ဂကောံအ္စာကၞေဟ်မန်
မဒက်ပတန် | ၃၀ ဇာန်နဝါရဳ ၂၀၁၇ |
---|---|
ဗီုပြင် | ချဳဓရာင် သွက်လိက်ပတ်မန် |
တင်ရန်တၟအ် |
|
ဂကူကမၠောန် | ပရေင်မၞိဟ်၊ ပရေင်လိက်ပတ် |
ကောန်ဂကောံ | အစာချူလိက်ဂမၠိုင် |
မထံက်ပင် | နကဵုစေတနာ (စိုတ်ဓါတ်) |
ဂကောံအ္စာကၞေဟ်မန် (အၚ်္ဂလိက်: Mon Writers Association)ဝွံ စပ္တံနူ အသေအဟာန် တ္ၚဲအ္စာကဝိမန် ကၠောန်ပ္ဍဲဘာဓာတ်ကျာ် ဍုၚ်ကၟာဝက် ၁၃၇၈ သၞာံ၊ ဂိတု မာ် ၃ မံက် (ဂိတု ဂျာန်နဝါရဳ ၃၀ သၞာံ ၂၀၁၇) ဂှ် စဒက်ပ္တန်ကၠုၚ် ဂကောံအ္စာကၞေဟ်မန် (ယာယဳ) မွဲဂကောံရ။[၁]
ဂကောံအ္စာကၞေဟ်မန် (ယာယဳ) ဝွံ ချဳဒရာၚ် စန်ဒက်ကၠုၚ် ဂကောံအ္စာကၞေဟ်ဒေသ၊ အ္စာကၞေဟ်ပွိုၚ်ဍုၚ်ဂှ် ပေၚ်ဗၞတ်မွဲသၞာံတုဲ ပ္ဍဲ ၁၃၇၉ သၞာံ၊ ဂိတုပုဟ် ၆ စွေက်၊ ဂျာန်နဝါရဳ ၇ သၞာံ ၂၀၁၈ ဂှ် နူကဵုဂကောံအ္စာကၞေဟ်မန် (ယာယဳ)တံ ကၠောန်သ္ပကောံဓရီုဇၞော်ဂကောံအ္စာကၞေဟ်မန် ပ္ဍဲဘာဓာတ်ကျာ် ဍုၚ်ကၟာဝက်ပၠန်ရ။ ဂကောံအ္စာကၞေဟ်မန် တန်ဒှ်ကၠုၚ်တုဲဂှ် ပ္ဍဲ ၁၃၇၉ သၞာံ ဂိတုမာ် ၂ မံက် ဂျာန်နဝါရဳ ၁၈ သၞာံ ၂၀၁၈ ဂှ် ကၠောန်သ္ပကောံဓရီုအလန်ကိုပ်ကၠာအိုတ် ပ္ဍဲဘာဓာတ်ကျာ်၊ ဍုၚ်ကၟာဝက်တုဲ ကလေၚ်သ္ၚဳဂၠိပ်ရုဲစှ်ဏာ စပ္တံနူဂကောံနာယက ခမဳသၚ်ခရှ်ဂမၠိုၚ်ကီု၊ ဂကောံကဵုကသပ်သွာၚ်ခမဳသၚ်ခရှ်ဂမၠိုၚ်ကီု၊ ဂကောံကမ္မတဳ ကေၚ်ကာအဆံၚ်ဆံၚ်ကီု ရုဲစှ်ဒက်ပတန်ဏာရ။
တၚ်ရန်တၟံ[ပလေဝ်ဒါန် | ပလေဝ်ဒါန် တမ်ကၞက်]
- သွက်ဂွံထိၚ်ဒဝ်မၚ်မွဲဇၞော်ပၟဝ်အာ လိက်ပတ်ဘာသာမန်
- လိက်ပတ်မန်ချူဇန်လဝ် နဗီုပြၚ်လိက်ပြကိုဟ် လိက်မဂ္ဂဇြေန်၊ လိက်ကဗျ၊ ဒွက်၊ လိက်လၟေၚ်၊ လိက်ပရိုၚ်၊ လိက်ဂျာနေဝ်တံ သွက်ဂွံတြးစိုပ်အာ အလုံညးဍုၚ်ကွာန်မန်တုဲ သွက်ဂွံသၠုၚ်ပ္တိုန် အသိၚ်ဗှ်လိက်မန် အကြာညးဍုၚ်ကွာန်
- သွက်ဂွံသၠုၚ်ပတိုန်ဍာ်ဒကေဝ် အ္စာကၞေဟ်မန် ကေုာံ လိက်ပတ်မန်ဂမၠိုၚ်။
လက်က္ချန် ဂကောံအ္စာကၞေဟ်မန်[ပလေဝ်ဒါန် | ပလေဝ်ဒါန် တမ်ကၞက်]
- အာစာခၞံပြကိုဟ်
- အာစာချူလိက်ဝၚ်
- အာစာကဗျ
- အာစာချူဒွက်
- အာစာချူဝတ္ထု၊ ပုံအာဂီု
- အာစာချူလိက်ပရေၚ်
- အာစာပရိုၚ်
- အာစာကၠာဲဘာသာ
- အာစာ ကသူ
စၟတ်သမ္တီလုပ်ဂကောံ[ပလေဝ်ဒါန် | ပလေဝ်ဒါန် တမ်ကၞက်]
စၟတ်သမ္တီလုပ်ဂကောံဂှ် အ္စာကၞေဟ်မွဲမွဲ ဒးချူလဝ်ကဏ္ဍ
- လိက်ပရေၚ်
- လိက်ဝတ္ထု
- ကဗျ
- လိက်ဒွက်
- ရုပ်ဗျံက်
- ပုံအာဂီု
တအ် အတိုၚ်ဓမံက်ထ္ၜးစၟတ်သမ္တီလဝ် ဒးပေၚ် ၃ ပိုဒ်တုဲ ကာလပတိုန်လိက်အာတ်အခေါၚ်လုပ်ဂကောံမ္ဂး မ္ဒးချူဓမံက်ထ္ၜးကဵု ဍိုပ်လိက်ကဏ္ဍ အ္စာကၞေဟ်ချူလဝ်ဂှ်ရောၚ်။ တုဲမ္ဂး နူကဵုဂကောံသွာၚ်စန်ဒက် ဂကောံအ္စာကၞေဟ်တံသ္ၚဳဂၠိပ်တုဲ သ္ပဒတန် လုပ်ဂကောံအ္စာကၞေဟ်မာန်ရ။
ကောံဓရီုဂကောံအ္စာကၞေဟ်[ပလေဝ်ဒါန် | ပလေဝ်ဒါန် တမ်ကၞက်]
ကောံဓရီုဂကောံအ္စာကၞေဟ်ဂှ် ဖျေံလဝ်ဗွဲလၟေၚ်လၟေၚ်နွံရ။
- ကောံဓရီုလၟေၚ်လၟေၚ် (ပွိုၚ် ၃ ဂိတု)
- ကောံဓရီုပွိုၚ်သၞာံ (ကောံဓရီုဇၞော်)
တၚ်စၟတ် - လဆောဝ်မ္ဂး ကောံဓရီုပွိုၚ်သၞာံဂှ် ဟွံဒှ်ကၠောန်တုဲ ကၠောန်အာ ကောံဓရီုသဳကၠဳ ပ္ဍဲအသေအဟာန် "တ္ၚဲအ္စာကဝိမန်" နွံရ။
အစဳအဇန်ဂကောံ[ပလေဝ်ဒါန် | ပလေဝ်ဒါန် တမ်ကၞက်]
- အစဳအဇန်ပတိုန်စရာဲအ္စာကၞေဟ်မန်
- အသေအဟာန် တ္ၚဲအ္စာကဝိမန်
နာယကဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
ဂကောံအ္စာကၞေဟ်ဝွံ ပ္ဍဲသွာၚ်နာယကဂှ် သွာၚ်နာယကသၚ် ကေုာံ သွာၚ်နာယကခရှ် ပါ်စွံလဝ်ဂွံဆဵုကေတ်ရ[၁]။
လၟေၚ် | ယၟု | ဌာန် | ဍုၚ်-ကွာန် |
---|---|---|---|
၁ | ကျာ်ဇၞော်အ္စာပါလိတ | ဘာဓါတ်ကျာ် | ကၟာဝက် |
၂ | ကျာ်ဇၞော်အ္စာ ကေတုမာလာ | ဘာကအ်ပလိုၚ် | ကအ်ပလိုၚ် |
၃ | ကျာ်ဇၞော်ပါၚ်ကၟာ | ||
၄ | ကျာ်ဇၞော် ကဏ္ဍည | ဘာကၟာဆီ | လ္ဂုၚ် |
လၟေၚ် | ယၟု | ဌာန် | ဍုၚ်-ကွာန် |
---|---|---|---|
၁ | နာဲမိုၚ်တဝ် | လ္ဂုၚ် | |
၂ | နာဲဇၞူမန် | မတ်မလီု | |
၃ | နာဲဟံသာ | ဗော်ဍုၚ်မန်တၟိ | |
၄ | နာဲဗညာသာၚ်မန် | ကအ်ဗိန် | |
၅ | နာဲထောန်ဝေ | ၜါသွာၚ် |
ဂကောံကဵုကသပ်ဂမၠိုၚ်[ပလေဝ်ဒါန် | ပလေဝ်ဒါန် တမ်ကၞက်]
ဂကောံညးကဵုကသပ် ပ္ဍဲဂကောံအ္စာကၞေဟ်ဝွံပၠန်လေဝ် ဂွံဆဵုကေတ်သွာၚ်သၚ်၊ သွာၚ်ခရှ် သာ်ဝွံ ၜါပလန်ရ[၁]။
လၟေၚ် | ယၟု | ဌာန် | ဍုၚ်-ကွာန် |
---|---|---|---|
၁ | တၠဂုဏ် ဗာကုလ | ဘာဓါတ်ကျာ် | ကၟာဝက် |
၂ | တၠဂုဏ် ခေမာနန္ဒ | ဘာနန္ဒာဝိုန် | ဇြပ်ဗု |
၃ | တၠဂုဏ် ကေလာသ | ဘာကၠအ်ပၞဟ် | မုဟ်ဍုၚ် |
၄ | ကျာ်ဇၞော် ပညိန္ဒိ | ဘာဓာတုမာလာ | မတ်မလီု |
၅ | ကျာ်ဇၞော် ဣန္ဒလၚ်္ကာရ | ဘာကျာ်သြဳမန် | လ္ဂုၚ် |
လၟေၚ် | ယၟု | ဌာန် | ဍုၚ်-ကွာန် |
---|---|---|---|
၁ | နာဲသိုက်လှိၚ် | ညဳသာ | |
၂ | နာဲကသုမန် | ပယျဵု | |
၃ | နာဲအံၚ်ဇၞး | ကၟာဝက် | |
၄ | နာဲယက္ခ | မတ်မလီု | |
၅ | နာဲတၠဗန် | မတ်မလီု |